Түркістан облысында мектеп қазандығында жарылыс болып, бір адам қаза тапты

Түркістан облысында мектеп қазандығында болған жарылыс салдарынан бір адам қаза тапты.

«15 ақпан күні сағат 8:05-те Сайрам ауданы, Қайнар бұлақ ауылдық округі, Ошақты елді мекені Құрманғазы атындағы ШЖМ аумағындағы жеке қазандықта жарылыс болды. Бу қазандығы жанбай тұрып, 20 шаршы метр аумақта шатыры қираған. Өрт сөндіру бөлімі шақырылған жоқ. Оқиға салдарынан 1963 жылы туған от жағушы оқиға орнында қаза тапты» деп хабарлады Түркістан облысы Төтенше жағдайлар департаментінің баспасөз қызметі.

Облыстық әкімдіктің хабарлауынша, қаза тапқан – Ошақты ауылының тұрғыны.