Түркістан облысында есірткі ұстап жүрген бойжеткен ұсталды

Түркістан облысының полицейлері демалыс орнында өзімен бірге есірткі затын алып жүрген жас қызды анықтады.

Бұл туралы Orda.kz Polisia.kz сайтына сілтеме жасап хабарлайды.

Түркістан облысының полицейлері есірткіге қатысты қылмыстарды болдырмау мақсатында бірқатар рейд өткізді. Осы тұста полицейлер Қазығұрт ауданында орналасқан демалыс орындарының бірінде бойжеткенің психотропты есірткі затын тұтынып және өзімен бірге тасымалдап жүргені туралы ақпарат түсті.

Хабарды ала салысымен полицейлер жүйелі жұмыс жүргізіп, күдіктіні анықтап, тексерді.

—Тексеру барысында оның қол сөмкесінің ішінен пакетке салынып, оралған үш дана ақ-сары түсті психотроптық есірткіге ұқсас зат, екі ампула «Медакс» таблеткасы және жеті дана шприц тәркіленіп алынды. Қазіргі таңда күдікті азаматшаға қатысты ҚР ҚК-нің 296-бабы 2-бөлігі «Есірткі, психотроптық заттармен, сол тектестермен өткізу мақсатынсыз заңсыз жұмыс» бойынша тіркеліп, сотқа дейінгі тергеу амалдары басталды, - - делінген хабарламада.

Тиісті сот-сараптамасы тағайындалды. Сараптама қорытындысы есірткі заттарының «эфедрон» және «мефедрон» екенін анықтады.