Түркістан облысында екі күн бұрын жоғалып кеткен ер адам құдықтан табылды

Түркістан облысында екі күн бұрын жоғалып кеткен ер адам үш метрлік құдықтан табылды. Ол мал іздеп жүріп, құдыққа құлаған болып шықты, деп хабарлайды ҚР ТЖМ баспасөз қызметі.

16 наурыз күні түстен кейін жоғалып кеткен ер адамның туыстары Түркістан облысының ТЖД-не жүгінді. Туыстары 41 жастағы ер адам екі күн бұрын мал іздеуге кетіп, қайтып оралмағанын хабарлады.​

Іздеуге ТЖД және полиция қызметкерлері, сондай-ақ жоғалған адамның туыстары шықты.

Біраз уақыттан кейін құтқарушылар жоғалған аумақтан екі шақырым жердегі Көккөз ауылынан ер адамды тапты. Ол үш метрлік құдыққа құлап, өз бетімен шыға алмаған.

Құтқарушылар құдыққа арқан түсіріп, ер адамды шығарып алды. Ол медициналық көмекке мұқтаж емес.
​