Түркістан облысында бес баланың әкесі қызын зорлады

Арыс қаласының тұрғыны өз қызын зорлағаны үшін 20 жылға сотталды. Бұл істің кейбір егжей-тегжейін Түркістан облысы ДП тергеу бөлімінің бастығы Нұрмахан Жалғасов жариялады.

«Көрдіңіз бе, мен де әкемін және тергеуде бірнеше жылдан бері жұмыс істеймін. Мен неше түрлі қылмыскерлерді көрдім. Бірақ мұндай қылмыстар мені әрдайым шошытады», - дейді тергеу бөлімінің бастығы.

Жыл басында жергілікті тұрғын Арыс аудандық полиция бөліміне көмекке жүгінген. Әйел кездейсоқ үлкен қызының телефонынан күдік тудыратын хабарламаларды тапқанын, оны күйеуі жібергенін айтып, шағымданған.

Хабарлама мазмұны әйелдің күдігін тудырған. Сондықтан ол қызбен ашық сөйлесіп, әңгіме барысында күйеуінің өз қызын зорлағанын білген.

Полиция арызды тіркеп, тергеу амалдарын бастады. Тәртіп сақшылары бұл отбасының арнайы тіркеуде жоқтығын анықтады. Отағасы ауысымдық әдіспен Ресейде, ал анасы Арыста жұмыс істейді.

«Қарапайым отбасында бес бала тәрбиеленуде. Үлкен қызы өз әкесінің зорлығынан зардап шегіп отыр. Біз барлық тергеу әрекеттерін өткіздік. Жәбірленушінің әкесі өзінің кінәсін мойындамай, бәрін жоққа шығаруда. Ол қызының бәрін ойдан шығарғанын айтып, ақталмақ болды», - деді Нұрмахан Жалғасов.

Оның айтуынша, дәлелдемелерді біртіндеп жинау үш айдан астам уақытқа кеткен. Осы уақыт ішінде бірнеше сараптама жүргізіліп, Іс 6 томнан құраған. Осы жазда күдікті әкенің ісі сотқа жіберілген.

Барлық мән-жайлар мен дәлелдемелер зерттеліп, сот зорлықшы әкені 20 жылға бас бостандығынан айырды.