Түркістан облысында өрт сөндірушілер жарылыстың алдын алды

Түркістан облысының өрт сөндірушілері 3,5 тонна бензин құйылған цистерна жарылысын болдырмады.

Бұл туралы Orda.kz хабарлады.

Түркістан облысының өрт сөндірушілері вагонда шыққан өртті сағат 14.04-те сөндірді. Онда 3,5 тонна бензин болды. Өртті сөндіруге Түркістан облысы және Шымкент қаласы ТЖД 47 қызметкері мен 10 бірлік техникасы, өрт сөндіру пойызы жұмылдырылды.

Жедел жәрдем ақпараты бойынша, мұнай базасының бір қызметкері күйік шалып, дәрігерлердің көмегіне жүгінді.

– Бүгін сағат 12.45-те Түркістан облысы ТЖД жедел кезекші бөліміне Сайрам ауданы Ақсукент ауылында «Ақсукент-Қарабұлақ жолы бойындағы бір вагонның жанғаны туралы хабарлама түсті.

Оқиға орнына тез арада Түркістан облысы ТЖД күштері мен құралдары № 3 жоғарғы рангпен жіберілді,- делінген ТЖД баспасөз қызметінің хабарламасында.

Өрт сөндіру бөлімшелері оқиға орнына келген бойда «ҚазТрансойл» мұнай базасында цистерналарды толтыру кезінде цистерналардың біріндегі бензин өртке оранды. Цистернадағы бензиннің алдын ала көлемі – 3,5 тонна.