«Түркістан» әні АҚШ Конгресі мұрағатынан табылды

«Түркістан» музыкалық шығармасы АҚШ Конгресі кітапханасының мұрағатынан табылды.

Бұл туралы Orda.kz Елбасының баспасөз қызметіне сілтеме жасап хабарлады.

Диск Фараб кітапханасының ғылыми-зерттеу қызметі нәтижесінде мұрағаттан табылды.

– Әр түрлі мұрағаттық деректерге сүйенсек, диск 1906 немесе 1919 жылдары жазылуы мүмкін. 1919 жылы бұл ән Бродвейде хитке айналғаны анықталды, - деп толықтырды баспасөз қызметі.

Бобби Джонс «Түркістан» әнінің сөзін жазды, музыкасын Джек Стерн жазып, американдық квартет орындады.