Түркістан: Әкімнің орынбасары мас күйінде жанжал шығарды

Ақсукент ауылдық округі әкімінің орынбасары Ерлан Оразбаев, Сайрам ауданы анықтау бөлімінің бастығы Нұржан Сұлтанбаевтың Сайрам АІІБ анықтау бөлімінің қызметкері Руслан Қайнаровпен жанжалдасқан сәті бейнежазбаға түсіп қалған. Бейнежазбаны DK NEWS YouTube-арнасы жариялады.

Аталған тұлғалар «Қазына» кафесінде жанжал шығарған. Видеода әкімнің орынбасарына ұқсайтын ер адамның басқаларды итеріп, алдымен ер адамдармен, содан кейін әйелмен жанжалдасқаны байқалады.Түркістан облысы әкімінің баспасөз қызметі видеодағы Ерлан Оразбаев екенін растады.

- Қазір қызметтік тексеру жүргізілуде. Ақсукент ауылдық округі әкімінің орынбасары Ерлан Оразбаев денсаулық жағдайына байланысты ауруханаға түсті. Әзірге оны жұмыстан шығаруға немесе жазалауға болмайды, - деп хабарлады Түркістан облысы әкімінің баспасөз қызметінің жетекшісі Мира Сүлейменова Отырар басылымына.