Түркістан қаласын жарнамалауға 26 млн жұмсалады

Түркістан билігі бейнематериалдардың көмегімен қалада жүргізіліп жатқан оң жұмыстарды насихаттап, Елбасыға қолдау көрсетеді. Бұл қызметтерге бюджеттен 26 млн теңге бөлінген.

Бұл туралы Orda.kz хабарлады.

– Түркістан қаласының жаңа имиджін кеңінен насихаттау мақсатында әлеуметтік желі мүмкіндіктерін пайдалана отырып, қалада жүргізіліп жатқан оң жұмыстарды насихаттау қолға алынды.

Шенеуніктер Елбасы туралы да ұмытпаған

Елбасының және ҚР Президентінің материалдарын жариялауды қолдауға бағытталған мемлекеттік бағдарламаларды іске асыруға ықпал ету мақсатында бейнежазба түсіру.

Сондай-ақ, бейнеролик Түркістан қаласы әкімдігінің жаңа жобалары мен әлеуметтік-экономикалық жетістіктерін насихаттауы керек.

Бейнероликтерді әзірлеуге келесі мамандар қатысады:

• екі оператор;
• директор;
• сценарист;
• екі журналист;
• екі бағдарламашы;
• дыбыс инженері;
• екі редактор.

Бейнелер жеті ақпарат агенттігінде және әлеуметтік медиада жариялануы керек. Нақты қайда шығатыны белгісіз.

Сондай-ақ, Түркістанда атқарылған жұмыстар туралы үш позитивті ақпараттық бейнероликтер және оларды елдің барлық аймақтарын қамтитын телеарнада көрсету қажет.

Түркістан облысының билігі TengriNews.kz-ке аймақтың дамуы туралы оң жарияланымдар үшін 34,6 млн төлеген.

Авторы: Карина Закарина

Аударған: Айнұр Дәрібаева