Түркістан: 9 мал ұрлығына қатысы бар қылмыстық топ құрықталды

2020 жылдың 8 желтоқсанында Түркістанның полиция департаменті бастығының орынбасары Құрманбек Сахов брифингте мал ұрлығына қатысты қылмыстық топ туралы хабарлады.

«Жедел-іздестіру іс-шараларының нәтижесінде Түркістанның полиция департаменті криминалдық полиция қызметкерлері Сарыағаш және Келес аймақтарында мал ұрлығымен айналысқан қылмыстық топты жойды. Осылайша, мал ұрлығымен күресуге бағытталған жұмыс барысында Келес ауданындағы базарлардың бірінде полиция тиісті құжаттары жоқ жылқы сатқан екі ер адамды ұстады. Тексеру барысында жеті жылқыны Сарыағаш өңіріндегі ақысыз жайылымнан ұрылардың әкеткені белгілі болды. Күдіктілер барлық мән-жайды анықтау үшін аудандық полиция бөліміне жеткізілді»,-дейді полиция департаментінің өкілі.

Тергеу нәтижесінде жастардың жеке-дара емес, қылмыстық топпен бірге мал ұрлағаны анықталды.

«Іздестіру іс-шаралары барысында криминалдық полиция бөлімінің қызметкерлері Түркістан полиция департаментінің аймақтық бөлімшелерімен бірлесе отырып, 7 күдіктінің ізіне түсті. Олардың барлығы Түркістан тұрғындары. Осы қылмыстарға талдау жасай отырып, біз қылмыстық топтың ұйымдасқан сипатта болғанын жоққа шығармаймыз. Оған қатысушылардың әрқайсысы өзіне жүктелген рөлі мен міндеттері болған. Біреулер жайылымнан мал ұрлады, басқалары ұрланған малды тасымалдады, қалғандары оны заңсыз сатумен айналысты»,- деп мәлімдеді Құрманбек Сахов.

Қазір қылмыстық топтың мал ұрлау бойынша 9 фактіге қатысы бары дәлелденді. Жалпы 2 млн теңге көлемінде шығын келген.

Айта кетсек, полиция бөліміне бір ғана арыз түскен. Қалған жәбірленушілер малдарының ұрланғанынан хабардар болған.

«Қазіргі уақытта аталған фактілер бойынша ҚР ҚК-нің 188-1 бабы «мал ұрлығы» бойынша сотқа дейінгі тергеу амалдары жүргізілуде. Айғақты зат ретінде полиция 4 сиыр, 2 бұқа, 3 қой және 1 жылқыны тәркілеп, заңды иелеріне қайтарып берді. Төрт күдікті қамауға алынды, қалған үшеуі уақытша бостандықта. Тергеу ұсталғандардың басқа да осыған ұқсас қылмыстарға қатыстылығын анықтау бойынша жұмысты жалғастыруда », - деп қорытындылады полиция подполковнигі Сахов.