Түркіменстанның жаңа президенті үкіметті отставкаға жіберді

Түрікменстан президенті Сердар Бердімұхамедов ескі министрлер кабинетін отставкаға жіберу туралы жарлыққа қол қойды.

Бұл туралы жексенбі күні үкіметтің орыс тілді «Нейтральный Туркменистан» газеті хабарлады.

Түркіменстанның жаңа басшысы мұны сенбі күні ұлықтау рәсімінен кейін және Құрмет қарауылының сарбаздары мен қарулы күштер бөлімшелерінің шеруін қабылдағаннан кейін жасады. Басылым  «Президент Сердар Бердімұхамедов құрметті шеруді  қабылдап, жоғары мемлекеттік лауазымдағы міндетін бастау үшін Оғызхан сарайы кешеніне барды» деп жазады.

 «Мемлекет басшысы Түрікменстан Конституциясына сәйкес ел үкіметі мүшелерінің толығымен отставкаға кетуі туралы қаулыға қол қойып, оларға министрлер кабинетінің жаңа құрамы құрылғанға дейін өз міндеттерін орындауды жалғастыруды тапсырды» деп атап көрсетеді басылым.

Түркіменстанда 12 наурызда жоғары мемлекеттік лауазымға үміткер тоғыз үміткердің қатысуымен кезектен тыс президент сайлауы өтті. Сайлауда 72,97 пайыз дауыс жинап, әкесі, екінші мемлекет басшысы Гурбангулы Бердімұхамедовтің орнына келген 40 жастағы вице-премьер Сердар Бердімұхамедов жеңіске жетті.

Президенттік бәсекенің қалған қатысушылары жалпы саны 27,03 пайыз дауыс жинады. Түркіменстанда президент жеті жылға сайланады және ант берген сәттен бастап қызметіне кіріседі.