Түркіменстанда маска режимін сақтамағандар мақта теруге жіберіледі

Түркіменстанда маска режимін бұзған, тұрмыстық қызмет пен алименттік қарызы бар азаматтар мақта мен қызылша теруге мәжбүрлі түрде жіберіледі. Жұмыстан қашқандарды полицейлер резеңке сойылмен ұрып жатыр.

Бұл туралы Orda.kz Азаттыққа сілтеме жасап хабарлады.

Мұндай жағдай Балқан велаятында (аймағында) орын алған. Түркіменстан президенті аймақтың кейбір аудандарында мақта теру қарқынының төмендігіне наразылығын білдірді.

Қазір барлық әскери бөлімдерден сарбаздар мен бюджеттік мекеме қызметкерлері мақта теруге жіберілген. Кейбір мемлекеттік қызметкерлер өз орнына жұмысшыларды жалдауға мәжбүр.

Жергілікті тұрғындар Балқан аймағының әкімі Таңрықұлы Атахалиев мәжбүрлі еңбекке байланысты жақын күндері өтетін үкімет отырысында мақта жинау жоспарының орындалғаны туралы есеп бергісі келетінін айтты.

Бірақ тұрғындардың айтуынша, биылғы өнім өте нашар, егістікте мақта жоқ. Аймақта жоспар 21 пайызға ғана орындалған.

Түркіменстанда мәжбүрлі еңбек мақта теру үшін ғана емес, оны өсіру үшін де қолданылады.

Еске салсақ, тамыз айында Түркімен қызметі орта мектеп мұғалімдерін де мақта теруге жіберген.

Халықаралық құқық қорғау ұйымдары Түркіменстанды мақта өндірісінде мәжбүрлі түрде балалар еңбегін пайдаланды деп те сынға алған.