Түркияның солтүстігін су басып қалды, 13 адам зардап шекті

Түркияның оңтүстік-батысы орман өрттерінің әсерінен қираса, осы сәрсенбіде қатты жауын-шашыннан туындаған су тасқыны солтүстік жағалаудағы көпірді қиратты. Нәтижесінде ауылдар жарықсыз қалды.

Бұл туралы Orda.kz хабарлады.

– Бартиндегі көпірдің қирағанынан 12 ауылда электр қуаты сөніп, 13 адам жарақат алды, - деп жазды Reuters ақпарат көздеріне сілтеме жасап.

Бартиннен шығысқа қарай 240 шақырымда орналасқан Синоп провинциясында су тасқыны салдарынан үйлер құлап, көліктер суға батып жатыр. Қатты жауын-шашын әлі де жалғасуы мүмкін. Сол себепті аурухана эвакуацияланып, кейбір жолдар жабылды.

Толассыз жауған жаңбыр Кастамонаға да жеткен. Өзен арнасынан тасып, 70 шқ тереңдікке көліктерді батырып жатыр. Белгілі болғандай, гидроэлектростанция да су астында қалған.

Солтүстік Түркияда жаздағы қатты жауын-шашынның салдарынан жыл сайын топан су кемінде 5 адамның өмірін қияды.

Осы аптада БҰҰ-ның климат жөніндегі сарапшылары әлемдегі парниктік газдардың деңгейі жоғары екендігін ескертті. Бұл жағдай ондаған жылдар бойы климаттың бұзылуына кепілдік береді деген қорқынышты болжам бар.

Түркиядағы, Грециядағы және Америка Құрама Штаттарындағы өрттердің нәтижесінде климаттың 1,1 градус Цельсийге жылынған. Мұның өзі басқа да апатты ауа-райы құбылыстарын тудырады.