Түркияда су тасқыны салдарынан 57 адам қаза тапты

Түркияның Қара теңіз аймағындағы су тасқыны мен селден мерт болғандар саны 57 адамға жетті.

 Бұл туралы сенбіде Түркия үкіметі жанындағы Төтенше жағдайлардың алдын алу және басқару басқармасы (AFAD) мәлім етті, деп хабарлайды  Orda.kz.

Мәлімет бойынша солтүстіктегі Кастамону провинциясында 36 адам, Синопта 7 адам, Бартинде бір жергілікті тұрғын қаза болды. AFAD барлық тиісті қызметтердің қызметкерлері оқиға орнында табылып, жергілікті адамдарды эвакуациялауды, іздестіруді және құтқаруды жалғастырып жатыр.

Президент Режеп Тайып Ердоған да  кеше елдің солтүстігіндегі табиғи апат аймағын барып көрді. Ол елдің солтүстігі мен оңтүстігіндегі табиғи апаттардың салдарын жою үшін қолдан келгеннің бәрін жасайтынына уәде бірді. 

Нөсерлі жауын Қара теңіздің арғы жағына жетіп, Ресейдің оңтүстік аудандарына да су тасқынын әкелген. Краснодар өлкесінің әкімшілігі 14 тамыз күні 1400 үйдің шайылып кеткенін мәлімдеді. Өлкенің төтенше жағдай басқармасы 1530 адамның эвакуацияланғанын хабарлады. Апаттан ең қатты зардап шеккен аймақ - Қара теңіз бойындағы Анапа курорты. Билік өкілдері жауынның әлі екі күн жауатынын айтады.

Түркияның солтүстігінде 11 тамыздағы  толассыз жауған жаңбыр сел, көшкін және су тасқынына әкелді.