Түркияда өрттен кейінгі қалпына келтіру жұмыстары жүргізілуде

Түркия президенті Режеп Тайып Ердоған алапат өрттен кейін аумақтарды қалпына келтіру үшін Түркияның әр тұрғынына үш көшеттен отырғызуға уәде берді. 

Түркияның оңтүстігінде 12 орман өртін сөндіру жалғасуда. Оған Анталья мен Мугла курорттық провинцияларындағы тоғыз өрт кіреді.

— Біз еліміздің әрбір тұрғынына үш көшет отырғызамыз. Барлығы 252 миллион көшет отырғызылады, - деді Түркия президенті.

Сонымен қатар ол  өртенген учаскелерде құрылысқа рұқсат бермейтіндігін ескертті.

Биліктің мәліметіне қарағанда шілденің аяғынан бастап Түркияның 44 провинциясында болған 208 өрттің 196 ошағы оқшауланған.  Елдегі денсаулық сақтау министрлігінің басшысы Фахреттин Коджа апаттан қаза тапқандар 8, зардап шеккендердің саны 864 адамға дейін жеткенін айтты.

Осы жағдайға байланысты Түркияда 6 адам орман өртіне қатысы бар деген күдікпен қамауға алынды. Бодрумда тағы бірнеше адам көліктен темекі тұқылдарын тастағаны үшін ұсталды.