Түркияда локдаун енгізіледі

Түркияда коронавирустың эпидемиологиялық жағдайдың нашарлауына байланысты 29 сәуірден 17 мамырға дейін толық локдаун енгізіледі. Бұл туралы 26 сәуірде ел президенті Режеп Тайып Ердоған мәлімдеді.

Ақпарат көзі Anadolu сайты, деп хабарлайды Orda.kz.

— Біз 29 сәуір күнгі сағат 19:00 - ден 17 мамыр күнгі 5:00-ге дейін толық жабыламыз, - деді Ердоған халыққа үндеуінде.

Ол жаңа эпидемиологиялық шараларға сәйкес қалааралық сапарларға рұқсат болған жағдайда ғана қол жеткізуге болатындығын, ал қалааралық көлік тек 50 пайыздық жүктемемен жұмыс істейтінін айтты.

Ішкі істер министрлігінің тиісті директивасының қолданысына жатпайтын ұйымдарды қоспағанда, барлық шаруашылық жүргізуші субъектілер өз қызметін тоқтата тұрады.

Президенттің айтуынша, барлық мектептерде күндізгі сабақтар тоқтатылып, емтихандар кейінге қалдырылады.

Сонымен қатар, бөлшек сауда желілері жексенбіде жабылады, ал басқа күндері олар белгілі бір сағаттарда ғана жұмыс істейді.