Түркияда алданып қалған қазақ әйелдері көмек сұрайды

cover Фото: almaty.tv

Қазақстандық инста-жұлдыздар тауар сатып алып, бизнес жасамақ болған әйелдерді алдап кетті.

Бұл туралы Orda.kz Алматы телеарнасына сілтеме жасап хабарлайды.

Бағасы 700 мың теңге туратын курсты сатып алған әйелдер Стамбулға барған. Олардың айтуынша, ақша табуды үйретеміз деген адамдар Түркиядан тауар алып-сату ережесін үйретпек түгілі, қол жұмсап, қоқан-лоқы көрсетеді екен.

Алданған адамдардың бірі – Ақгүл Мұратқызы. Ол Стамбулда тиімді сауда жасау жолдарын үйрететін бір айлық курсын сатып алған. Құны – 700 мың теңге. Төленген ақшаға сай білім алмағанын айтқан Ақгүл тұтынушының алдында қарыз болғанын жеткізді. Сондай-ақ, демалатын орын, жататын жер адам шошырлық жағдайда екенін айтты.

– Оны ешкімнің басына бермесін. Шетелге келіп, ақша бересің, ал сені ұрып, телефоныңды тартып алады. Сосын маған «Ұлдананың мінезі жаман, сіз барып кешірім сұраңыз» дейді. Мен не істерімді білмей, екі балам үшін кешірім сұраймын. Кешірім сұрадым, оны өзіне басқаша аударып алған, – деді Ақгүл Мұратқызы.

Бұл бірінші жағдай емес. Осындай оқиғаларға қатысты заңгер Айгүл Орынбек өз ойын айтты.

– Олар сол жақтан депортация жасасын, қайтадан сол елге барып, қазақ азаматтарын алдамасын деген ниетпен біз ол жаққа да арыз түсіріп жатырмыз. Себебі олар Динара Қосжанды, Ұлдана Ерқасымды депортацияласа, олар 5-6 жыл ол жаққа кіре алмайды, – деді ҚР Президенті жанындағы ұлттық қоғамдық сенім кеңесінің мүшесі Айгүл Орынбек.

Жаңалықтар

барлық жаңалықтар