Түркия жақын уақытта Қазақстанға ұшқышсыз ұшатын аппарат жеткізеді

Түркия алдағы айларда Қазақстанға ұшқышсыз ұшу аппараттары (ҰҰА) партиясын жеткізеді, деп хабарлады TUSAŞ аэроғарыш компаниясының бас директоры Темель Котиль.

– TUSAŞ алдағы айларда Anka заманауи ұшқышсыз ұшу аппараттарының партиясын Қазақстанға жеткізеді, – деді Котиль «Анадолу» агенттігіне.

Оның айтуынша, соққы дрондары бойынша келіссөздер бірқатар басқа елдермен де жүргізілуде.

– Түркия бүгінгі күні ҰҰА әзірлеу мәселесінде шетелдік технологияларға тәуелді емес. Anka үшін қозғалтқыш біздің елде де шығарылады. Дрондарға сұраныс үлкен, – деді Котиль.

Қорғаныс компаниясы бас директорының айтуынша, Anka UAV құрылғысын жетілдіру тоқтамайды. Ал бауырлас елдер дрондардың сериялық өндірісінің артықшылықтарын пайдалана алады деп мәлімдеді ол.