Түркия: Біз ешбір елдің шекаралық аймағы немесе босқындар лагері болмаймыз

Түркия Сыртқы істер министрлігінің  өкілі Ұлыбритания Сыртқы істер министрлігі басшысының Түркиямен босқындар мәселесі бойынша келісім жасау талабы туралы мәлімдемесіне жауап берді.

Түркия Сыртқы істер министрлігі Анкара үшінші елдердің халықаралық міндеттемелерін қабылдамайтынын мәлімдеді, деп хабарлайды Anadolu.

Бір күн бұрын Ұлыбритания Сыртқы істер министрі Лиз Трасс Руандадан үлгі ала отырып, Түркиядан ол жаққа заңсыз мигранттарды жіберу туралы келісімді талап ететінін айтты. Бұл мәлімдемеге Түркия Сыртқы істер министрлігінің баспасөз хатшысы, Елші Танжу Білгіш жауап берді.

— Біз барлық елдерді халықаралық міндеттемелерін орындауға және миграцияға қатысты бірдей жауапкершілік алуға шақырамыз, - деп түсіндірді Танжу Білгіш.

Түркия Сыртқы істер министрлігінің баспасөз хатшысы сегіз жыл ішінде әлемдегі ең көп босқынды қабылдаған Түркияның үшінші елдердің өтініші бойынша қосымша ауыртпалық алуы, бұдан былай  босқындарды қабылдауы мүмкін емес екенін айтты. Оның айтуынша,  бұл  баспана құқығына қатысты халықаралық стандарттарға сәйкес келмейтін көзқарас.

— Түркия босқындар лагері немесе ешбір елдің шекаралық аймағы болып қалмайды. Бұдан былай  үшінші елдердің халықаралық міндеттемелерін де мойнына алмайды. Сонымен қатар, өткен жылы ауған босқындары туралы осындай жаңалықтардан кейін біз өз ұстанымымызды қоғаммен бөліскен болатынбыз. Біз барлық елдерді халықаралық міндеттемелерін орындауға және миграцияға қатысты бірдей жауапкершілікті алуға шақырамыз, - деді Танжу Білгіш өз мәлімдемесінде.