Түркия азаматы қазақстандық келіншектің ұлын ұрлап әкеткен

Қазақстандық келіншек өзінің бұрынғы түрік күйеуінің үстінен арыз түсірді. Оның айтуынша, ол сот шешіміне қарамастан, баланы анасынан ұрлап, Түркияға алып кеткен. Шарасыз ана ұлының артынан Стамбұлға келген.

Келіншек күйеуімен ажырасқаннан кейін, сот балаға қамқорлықты анасына берген. Бірақ күйеуі оны ұрлап әкеткен. Үш жасар ұлын көрмегеніне 40 күн болған ана Түркия үкіметінен көмек сұраған.

«Бұрынғы күйеуім Эндер Юрдагүл ұлымды алып қашты. Осы уақыттан бері ұлымды қалай қайтарамын деген оймен ғана өмір сүріп жүрмін» деді ұлдың анасы Виолетта.

Оның айтуынша, отбасының ажырасуына физикалық және моралды тұрғыдағы қысым себеп болған.

«Мен анамын. Ұлымсыз өмір сүре алмаймын. (...) Қазіргі уақытта бізде Түркия және Қазақстан сотының шешімі бар. Ол бойынша қамқорлық маған берілген. Алайда әкесі сот шешімін мойындамай тұр. Ол үйге кіріп, оның төлқұжатын алып кетті» дейді шарасыз ана.

Виолеттаның айтуынша, әкесі баласына қауіп төндіреді. Себебі, ол үш жасар балаға порнографиялық видеоларды қосып береді. Ал өзінің Instagram парақшасында өзін «шайтанмын» деп таныстырады.

Қазақстандық келіншектің адвокаты Құндыз Оспан ер адамның барлығын мұқият жоспарлағанын алға тартты.

«Виолеттаның пәтерінен баланың төлқұжаты мен туу туралы куәлігін алдын ала ұрлаған. Тұпнұсқа төлқұжаттың орнына ол Виолетта білмей қалуы үшін жалған құжат қалдырған. Содан кейін ол баланы бір түнге өзіне алып кеткен, 30 қазан күні таңертең анасының рұқсатынсыз оны Түркияға тұрақты тұруға алып қашқан. Біз баланы Қазақстанға қайтарумен айналысып жатырмыз. 14 желтоқсанда баланың Қазақстандағы тұрғылықты жерін анықтау бойынша сот өтеді» дейді Оспан.