Түріктер тастап кеткен құрылысты ирандық компания аяқтайды

Оған 4 миллиард теңге қажет. Иранның құрылыс компаниясы Tunnel Sadd Ariana Company Дүниежүзілік банктен Шудағы магистральдық канал құрылысына 4,8 млрд.теңге алатын болды.

2019 жылы банк бұл жұмысқа 3,8 миллиард теңге несие бөлген. Одан кейін конкурсты түріктің NTF Insaat Ticaret Limited Sirketi компаниясы жеңіп алған. Алайда, 1,3 миллиард теңгенің алғашқы төлемін алған компания еліміздегі бөлімшесін жауып, Қазақстан мен оның қызметкерлеріне берешегін жинап, каналды  салмай жоғалып кетті. Кейін сот оны алған қаражатты қайтаруға міндеттеді.

2022 жылы Дүниежүзілік банк сол жұмысқа қайтадан конкурс жариялады. Бұл жолы ирандық Tunnel Sadd Ariana Company компаниясы жеңімпаз атанды. Жобаның құны миллиардқа артып, 4,8 миллиард теңгеге жетті. Бірақ мерзімдер, керісінше, қысқартылды. Барлық жұмыстар үшін ирандықтарға 20 апта уақыт берілді.

Tunnel Sadd Ariana компаниясы туралы не белгілі

Компания 2007 жылы ашылған. Ресми сайтта компанияда екі мыңнан астам адам жұмыс істейтіні айтылған. Кәсіпорын бөгеттерді, жолдарды, тоннельдерді, құбырларды салу және карьерлерді нығайтумен айналысады. 22 наурызда сайтта Қазақстанмен бірлескен жоба туралы пресс-релиз пайда болды.