Түрікменстанда президенттік сайлауға дауыс беру аяқталды

Түрікменстанда кезектен тыс президенттік сайлауға дауыс беру өткен сайлау учаскелері жабылды.

Өткен сайлауда 3,4 миллионнан астам сайлаушы тіркелген. Бұл елдің  заңнамасына сәйкес, сайлауға келушілер санының белгіленген шегі жоқ. Демек, сайлау сайлаушылардың кез келген белсенділігімен өтті деп танылады.

Сонымен қатар, Азаттық тілшілері өз дереккөздеріне сілтеме жасап, облыс билігіне қазіргі президенттің ұлын қолдау үшін сайлаушылардың кемінде 85 пайыз дауысын алу міндеті жүктелгенін хабарлаған.

Түркіменстанның саяси өмірінде бұған дейін көзге түспеген қазіргі президенттің ұлы Сердар Бердімұхамедовпен бірге жоғары мемлекеттік лауазымға сайлауға тағы сегіз үміткер қатысуда.

Ресми мәлімет бойынша, елімізде барлығы 2577 сайлау учаскесі құрылып, 3435950 сайлаушы тіркелген.

Биылғы сайлауға үш партиядан тоғыз кандидат пен бір топ азаматтар қатысты.

Жергілікті Орталық сайлау комиссиясының мәліметінше, Түркіменстандағы президент сайлауында сайлау учаскелері жабыларға екі сағат қалғанда сайлаушылардың 93,19 пайызы дауыс берген.