Түрікменстан президентінің әкесі қайтыс болды

Түрікменстан президенті Гурбангулы Бердімұхамедовтың әкесі 89 жасында қайтыс болды. Бұл туралы РБК елдің мемлекеттік ақпарат агенттігіне сілтеме жасап хабарлайды.

Мялықұлы Бердімұхамедов 1932 жылы 12 тамызда Геоктепин атырабының Бірлік-1 ауылында дүниеге келген. Алдымен кітапханашы болып жұмыс істеді, содан кейін бастауыш сынып мұғалімі болды. 1958 жылдан 1982 жылға дейін ішкі істер министрлігінде түрлі лауазымдар атқарды, содан кейін ІІМ подполковнигі атағымен зейнеткерлікке шықты.

— Өмірінің 89-жылында Аркадагымыздың әкесі - Мялықұлы Бердімұхамедов қайтыс болды. Бұл азалы хабарды барлық түрікмен халқы үлкен қайғымен қабылдады, - делінген хабарламада.

Бердімұхамедов ІІМ басшылығының Құрмет грамоталарымен, ақшалай сыйлықтармен, қылмыспен күрес және қоғамдық тәртіпті сақтау үшін төсбелгілермен және медальдармен марапатталды. Оның есімі Түркіменстан ІІМ 1001 әскери бөліміне және осы министрліктің Ашхабадтағы тұрғын үй кешеніне берілген.

Гурбангулы Бердімұхамедов 2007 жылдан бері Түркіменстанның президенті қызметін атқарады. Мемлекет басшысының соңғы сайлауы 2017 жылы өтті. ОСК мәліметтері бойынша, азаматтардың 97% - ы Бердімұхамедовқа дауыс берді.