Түрік лирасының бағасы айтарлықтай құлдырады

Орталық банк пайыздық мөлшерлемелерді төмендету туралы шешім қабылдағаннан кейін түрік лирасы бір доллар үшін 15,6 лираға жаңа антирекордтық деңгейге түсті. Бұған сауда-саттық мәліметтері дәлел.

Түркияның Орталық банкі есептік мөлшерлемені 15 пайыздан 14 пайызға дейін төмендету туралы шешім қабылдады.

Дүйсенбі күнгі валюта саудасы бір доллар үшін 14,79 лирадан басталып, Нұр-Сұлтан уақытымен сағат 12:10-дағы жағдай бойынша валюта бағамы 15,29 лирамен тарихи ең төменгі деңгейге жетті.

Түркия орталық банкі отырысының қорытындысы жарияланғаннан кейін бірден лира бір доллар үшін 15,6 лираға дейін құлдырап, жаңа антирекорд орнатты.

Бұған дейін түрік валютасы үшін тарихи минимум 13 желтоқсанда белгілі болды.

Жыл басында бір доллар үшін 7,4 лирадан саудаланған түрік валютасы бір жыл ішінде шамамен 50 пайызға арзандады. Соңғы 20 жылдағы ең жоғары тәуліктік құлдырау 23 қарашада тіркелді – сол күні лира 16%-ға төмендеді.

Түркия президенті Раджеп Тайып Ердоған лираның бұрынғы антирекордынан кейін қаржы министрін ауыстырған болатын.

Қазақ валютасы үшін де керемет уақыт емес - доллардың бұрынғы 420-430 дәлізі артта қалды. Екінші апта АҚШ валютасы 430 теңгеден жоғары саудалануда.

Ұлттық банк инфляция мен ұлттық валютаның құнсыздануын тоқтату үшін базалық мөлшерлемені екі рет көтеруге мәжбүр болды.