Тұрғымбаевтың орнына ҰҚК төрағасының орынбасары тағайындалады – Еділов

Ішкі істер министрі Ерлан Тұрғымбаевтың орнына Ұлттық Қауіпсіздік комитеті төрағасының орынбасары Нұрғали Білісбеков тағайындалады.

Бұл туралы саясаттауншы Ербол Еділовтың Telegram-арнасы хабарлайды.

«Кейбір дереккөздердің мәліметтеріне сәйкес, Қазақстан Республикасы Ішкі істер министрі ҚР ҰҚК төрағасының орынбасары Нұрғали Білісбеков тағайындалады деп күтілуде» делінген хабарламада.

Нұрғали Білісбековтың мансабы

• 1989-1996 жылдары – мемлекеттік/ұлттық қауіпсіздік органдарында офицерлік лауазымдағы қызметтерді атқарды;
• 1996-2007 жылдары – ұлттық қауіпсіздік органдарында басшылық лауазымдарда қызмет атқарды;
• 2007-2009 жылдары – ҚР ҰҚК төрағасының орынбасары;
• 2009-2013 жылдары – ұлттық қауіпсіздік органдарында басшылық лауазымдарда қызмет атқарды;
• 2013 жылғы 7 наурыздан бастап – ҚР ҰҚК төрағасының орынбасары.

Еске салсақ, бұған дейін ішкі істер министрі Ерлан Тұрғымбаевтың қызметінен босатылғаны туралы хабар тараған болатын.