Тұншықтырып өлтірді: полицей қарақшыларды қарттарды тонауға үгіттеді

Алматы қаласы Наурызбай ауданының учаскелік полицейі қарақшыларды зейнеткерлердің үйін тонауға жіберген.

«Учаскелік инспектор екі бұзақыға бір күн бұрын саяжайын 17 млн теңгеге сатқан зейнеткерлердің үйін тонауға кеңес берген. Қарақшылар ақшаны ала алмағандықтан, оларды тұншықтырып өлтірген. Ұсталған соң барлығы учаскелік полиция қызметкері осы үйді тонауға кеңес бергенін мойындады» делінген Telegram арналардың біріндегі хабарламада.

Белгілі болғандай, күдікке 27 жастағы қала тұрғыны ілінген.

Сонымен қатар, тәртіп сақшылары бұрынғы ішкі істер органдарында жұмыс істеген азамат М.-ның қылмысты біле тұра хабарламағаны үшін жауапқа тартылды. Ол ұстау изоляторына қамалды.