«Тұмар» телевизиялық сыйлығына 70 мың доллар жұмсалмақ

Пандемия кезінде Ақпарат және әлеуметтік даму министрлігі «Тұмар» ұлттық телевизиялық сыйлығына 70 мың долларға лот жариялады.

Министрліктің хабарлауынша, шара елдегі ең сапалы және өзекті телевизиялық контентті анықтауға, отандық телевизия саласының имиджін қалыптастыруға, талантты медиа мамандарды қолдауға және қазақстандық телевизияны дамытуға бағытталған.

Іс-шара 2021 жылдың I-II тоқсанында астаналық Қазмедиа орталығында өтеді. Өтінімдерді іріктеу және дауыс беру онлайн режимінде марапаттаудың бекітілген тұжырымдамасы аясында өтуі керек.

70 мың доллар сценарий жасауға, іс-шараға арналған залды безендіруге және фото аймақ, қызыл кілем төсеуге жұмсалады; жеткізуші екі жүргізушінің қатысуын және қазақстандық эстрада жұлдыздарының өнерін қамтамасыз етуі керек.

Дәл осы сомаға үміткерлерді марапаттау үшін алтын жалатылған жезден жасалған мүсіндер әзірленеді.

Телевизиялық сыйлық Қазақстанда жыл сайын өткізіледі.

Ақпараттық және әлеуметтік даму министрлігі мұндай іс-шараларды пандемия жағдайында бірінші рет өткізіп отырған жоқ.

Мәселен, өткен жылы «Astana Media Week» қазақстандық медиа апталығын өткізуге 34 млн теңге жұмсалды.