Тәліптер әйелдерді 8 наурыз мерекесімен құттықтады

Ауғанстан Сыртқы істер министрлігінің ресми өкілі Абдул Кахар Балхи ел билігі «мемлекетте тұратын әйелдер үшін лайықты және қолайлы жағдай жасауға» ниетті екенін айтып, әйелдерді 8 наурыз мерекесімен құттықтады.

Құттықтауды Twitter желісінде Ауғанстан Сыртқы істер министрлігінің өкілі Абдул Кахар Балхи жариялады. Мәлімдемеде Ауғанстандағы әскери әрекеттердің «әйелдердің өміріне зиянды әсер еткені» атап өтілген.

– 8 наурыз халықаралық әйелдер күні барша қыз-келіншектерге берекелі болсын, - деп жазды Абдул Кахар Балхи.

Ауғанстанда «Талибан» қозғалысы (Қазақстанда тыйым салынған лаңкестік ұйым) билікке келгеннен кейін ел әйелдері бірнеше рет наразылық акцияларын өткізді. Белсенділер билікті әйелдер құқығын құрметтеуге шақырып, олай болмаған жағдайда ерлердің киімін киеміз деп қорқытқан еді.