Түлектер кортежі Алматы-Бішкек тас жолында жарыс өткізді

25 мамырда түлектер жоғары жылдамдықта жол ережесін бұзып, Алматы-Бішкек тас жолында жарыс өткізді.

Бұл туралы Orda.kz хабарлады.

Полиция қызметкерлері әлеуметтік желіде жарияланған видеоны бірден қабылдап, оқиғаға қатысушыларды іздестірді.

Іс барысында олардың Алматы облысы Жамбыл ауданының тумалары, 17 мен 22 жас аралығындағы жастар тобы екендігі анықталды.

Төрт автокөлік те айыппұл тұрағына қойылды. Әр жүргізушіге бірден бірнеше әкімшілік хаттама жасалды. Жүргізушілердің екеуі кәмелетке толмаған болып шықты. Ата-аналармен профилактикалық әңгіме өткізілді.

Аталған факті бойынша 15 хаттама жасалды.