СІМ Украинада қолға түскен қазаққа қатысты түсініктеме берді

ҚР Сыртқы істер министрлігінің ресми өкілі Айбек Смадияров Украинадағы әскери операциялар кезінде болжам бойынша тұтқынға алынған этникалық қазақтың видеосына қатысты пікір білдірді.

Ол министрлікке Украинаның құзырлы органдарынан Қазақстан азаматтарының ұсталғаны немесе қарулы қақтығысқа қатысқаны туралы ресми ақпарат келмегенін мәлімдеді.

«Өздеріңізге белгілі, мұндай әрекеттер Қазақстан Республикасының заңнамасына сәйкес қылмыстық жауапкершілікті көздейді» деп жауап берді ол журналистерге брифингте.

Сондай-ақ ол қазақстандықтар Қырым және басқа да даулы аймақтарға Украина билігінің рұқсатынсыз баратын болса, олар Украинаның басып алынған аумақтары мәртебесі туралы заңын бұзушыға айналатынын қосты.

Осыған байланысты оларға санкцияларды Украина да, Батыс серіктес елдері де қолдана алады. Кейбір жағдайларда қылмыстық қудалау және халықаралық іздеу салуы мүмкін.