Сыртқы істер министрлігінде жаңа департамент құрылды

Сыртқы істер министрлігінде жаңа департамент құрылды. Оны Айбек Смадияров басқарады.

Бұл туралы ҚазТАГ хабарлайды.

Айбек Смадияров Сыртқы істер министрлігінің жаңадан құрылған коммуникациялар департаментінің директоры болып тағайындалды, сонымен бірге ол сыртқы істер министрлігінің ресми өкілі ретінде де қызметін жалғастырады.

Айта кетейік, Смадияров 2018 жылдан бері Сыртқы істер министрлігінің баспасөз қызметінің басшысы болған, оған дейін, 2014 жылдан бастап Қазақстанның Вьетнамдағы елшілігінің екінші және бірінші хатшысы болған. Одан да бұрын ол басқарма басшысы қызметін атқарған. Сыртқы істер министрлігі Сыртқы саясатты талдау және болжау комитетінің бірінші хатшысы болып істеген. Сыртқы істер министрлігі құрылымында 2006 жылдан бері жұмыс істейді, сонымен бірге Қазақстан президентінің баспасөз қызметінде істеген тәжірибесі бар.