Сынға қалған Ардақ Назаров көпшіліктің пікіріне жауап берді

16 жасар жасөспірмнің өлімінен соң Талғарға қасына мобилогроф ертіп Шерзат Полаттың туыстарына көңіл айтқан сәтін инстаграмға салғаны үшін көпшіліктің сынына қалған Ардақ Назаров өзін сынағандарға қатысты жауап берді, деп хабарлайды Orda.kz. 

Мәжіліс дәліздерінде журналистердің Талғарға не мақсатпен бардыңыз деген сұрағына депутат ол менің азаматтық борышым деп жауап берді. 

«Мен жазылған сыни пікірлерге мән бермеймін. Маған оның қажеті жоқ. Иса пайғамбар мен Абайға да талай қастандық жасалды. Ал Шәкәрімді құдыққа тастаған, ал Ардақ Назаровты сынау - мен үшін қуаныш. Сын әрқашан да болады, 20 миллион адам бар, сонша пікір болады. Мен ол жаққа жақсы ниетпен бардым, қасымда мобилогроф болған жоқ», — деді  депутат.

Айта кетейік, әлеуметтік желіде Назаров Талғарға барып, барлығын желіге салғаны үшін көпшіліктің сынына қалған болатын. Оған тіпті депутаттық мандатын тапсырсын деген пікірлер де жазылды.