Сүйіктісіне гүл сыйлап, істі болды

Қарағанды қаласында 23 жастағы ер азамат жалған ақшамен сауда жасағаны үшін істі болды.

Бұл туралы ішкі істер министрлігі хабарлайды.

Қарағанды қаласында 23 жасар ер азамат сүйіктісіне жалған ақшамен гүл сатып алған. Ол тәулік бойы жұмыс істейтін гүл сататын дүкендердің бірінде сатушылардың кезекшілігі ауысып, қарбаласып жатқан уақытты пайдаланған.

Ауысым уақытында алаяқ 20 мыңдық жалған ақшаға гүл сатып алған. Онымен қоймай, ол жақын маңдағы асханада таңғы ас ішіп, 20 мыңдық жалған купюрасын толық теңгеге айырбастады.

 Қылмыстық іс қозғалды. Қазір тергеу амалдары жүргізілуде.