«Сыйақысы бар»: қазақстандыққа іздеу жарияланды

16 қыркүйек 2024 13:00 Альфия Адамбек

Фото: t.me/ afm.rk

Қаржылық мониторинг агенттігі 1986 жылы туған Омаров Руслан Ұланұлына іздеу жариялады, деп хабарлайды Orda.kz ҚМА телеграм арнасына сілтеме жасап.

Руслан Омаров жалған есептілік құжаттар жасаумен айналысқан.

"Аталған азамат жұмыстарды нақты орындамай, қызмет көрсетпей және тауар жөнелтпей-ақ жалған шот-фактуралар жазып бергені үшін күдікке ілінген. 2011 жылдан 2013 жылға дейін Омаров Sunkar Logistics ЖШС директоры ретінде әрекет етіп, контрагенттерге 4 млрд теңгеден астам сомаға жалған бухгалтерлік құжаттар жазып берген. Мемлекеттік кіріс органдарының қорытындысы бойынша, төленбеген салық түріндегі мемлекетке келтірілген залалдың жалпы сомасы 1,5 млрд теңгеден асады" делінген хабарда.

Ведомство іздестіріліп жатқан тұлғаның орналасқан жері туралы қандай да бір ақпарат білсеңіз, мына телефон нөмірлеріне хабарласуды сұрайды:

+7-701-770-08-65; +7-7292-40-36-59;

1458 – Call-center.

Ведомство сыйақы тағайындалғанын ескертті.

Жаңалықтар

барлық жаңалықтар