Сыбайлас жемқорлыққа қарсы қызметтің қызметкері сотталды

Әлеуметтік желілерде сыбайлас жемқорлық қылмысы (пара алу) үшін Маңғыстау облысы бойынша Cыбайлас жемқорлыққа қарсы қызметтің сотталған тергеушісі А.Ізбасар туралы ақпарат таратылуда. Ізбасарға қатысты Ақтау қалалық соты үкім шығарып, ол заңды күшіне енді.

Cыбайлас жемқорлыққа қарсы қызметтің баспасөз қызметі хабарлағандай, Ізбасар арнайы атақтарынан айрылып, 15 млн теңге көлемінде айыппұл арқалаған.

Сондай-ақ, сотталушы өмір бойы мемлекеттік қызметте қызмет атқару құқығынан айырылды.

«А.Ізбасарды Агенттіктің Өзіндік қауіпсіздік департаменті қызметкерлері әшкерелегенін атап өту керек. Сыбайлас жемқорлыққа қарсы қызмет жемқорлыққа қарсы, оның ішінде өз қатарларында ымырасыз күрес жүргізеді» делінген хабарламада.