Сыбайлас жемқорлыққа қарсы қызмет Ермек Тұрсыновқа қатысты ресми мәлімдеме жасады

Сыбайлас жемқорлыққа қарсы қызмет Ермек Тұрсыновқа қатысты ресми мәлімдеме жасады, деп хабарлайды Orda.kz.       

Қазіргі уақытта Сыбайлас жемқорлыққа қарсы қызмет режиссер Ермек Тұрсыновқа қатысты ешқандай тергеу әрекеттерін жүргізіп жатпағанын мәлімдеді.

Осыған байланысты оның Facebook желісінде жариялаған ақпараты Агенттікке беймәлім болып отыр. 

Антикордың айтуынша бұған  дейін оларға режиссер «Н»-нің арызы түскен. Ол «Қазақфильм» АҚ ішкі аудит қызметінің қорытындысына сүйене отырып, «Долгое эхо» фильмі аясында лауазымдық өкілеттіктерін асыра пайдаланғаны үшін киностудияның бұрынғы басшылығын қылмыстық жауапкершілікке тартуды сұраған.

Арыз негізінде сотқа дейінгі тергеу басталды.

Қосалқы мердігер ретінде жұмыс атқарған – «Alashfilm» ЖШС, оның бұрынғы директоры — азамат «Т». Тергеу барысында ол куәгер ретінде бірқатар тергеу әрекеттеріне қатысты. Ол бұған дейін «Тұрсыновфильм» ЖШС аясында Ермек Тұрсыновтың серіктесі болғаны анықталды.

Алайда, Тұрсынов тергеу органына шақырылмаған, іс бойынша ешбір тұлға күдікті деп танылған жоқ.

ҚПК-нің 201-бабына сәйкес тергеу мүддесіне сай өзге ақпарат жария етілмейді.

Қазақстан Республикасы Конституциясының 77-бабы 3-тармағы 1-тармақшасына және ҚПК-нің 19-бабы 1-бөлігіне сәйкес, соттың заңды күшіне енген үкімі шыққанға дейін кез келген адам кінәсіз деп есептеледі.

Orda бұған дейін Қазақстандық режиссёр әрі қоғам қайраткері Ермек Тұрсыновтың  елден кеткенін мәлімдегені туралы жазған болатын.