Судандағы қарулы қақтығыс басталғалы бері 400-ден астам қаза тапты

Елдегі арнайы жасақ пен әскерилер арасындағы қақтығыс салдарынан 400-ден астам азамат қаза тауып, 2 мыңнан астам азамат жарақат алды.

Судан медициналық одағының соңғы мәліметтеріне сәйкес, бүгін, 29 сәуірдегі жағдай бойынша, 411 адам қайтыс болды. Бұл ретте 2023 адам зардап шекті, деп жазады ТАСС. Мұның бәрі 15 сәуірде басталған армия мен жедел әрекет ету күштері арасындағы қарулы қақтығыстың кесірінен.

«Судандағы қақтығыстар басталғалы бері қарулы қақтығыстар нәтижесінде 411 бейбіт тұрғын қаза тауып, 2023 бейбіт тұрғын жарақат алды» делінген кәсіподақтың арнайы мәлімдемесінде.

Мәлімдемеде қақтығыс аймақтарында орналасқан 86 аурухананың 61-інің толығымен жұмыс істемейтіні атап өтілді. Сонымен қатар, Судан дәрігерлерінің кәсіподағы дәл осы кезеңде «15 медициналық мекеме бомбаланғанын, 19-ы эвакуациялауға мәжбүр болғанын» көрсетті.

Осыған дейін Қазақстан Республикасының Сыртқы істер министрлігі Orda.kz тілшісіне Суданнан бес қазақстандықтың эвакуацияланғанын хабарлаған болатын.

Оның екеуі Эфиопия арқылы, үшеуі Порт-Судан қаласы арқылы,  Қазақстан Республикасының тағы бір азаматы, БҰҰ жүйесінің қызметкері Порт-Судан қаласында және одан әрі эвакуацияны  күтуде. Сонымен қатар, Қазақстан Республикасының бірқатар азаматтары әлі де Судан аумағында жүр.