Суданда армия мен арнайы күштер арасындағы шайқас болды

Армия мен Суданның жедел әрекет ету күштері арасында қарулы қақтығыстар астанада және тағы бірнеше қалада болды.

15 сәуірде Суданда армия мен арнайы жасақ арасында шайқас болды. Anadolu агенттігінің хабарлауынша, соңғы айларда Африка елінің түрлі күш құрылымдары арасында орын алған қақтығыс енді ашық қарулы қақтығысқа ұласты.

Хартум мен басқа да қалалардың көшелерінде ұрыс жүріп жатыр. Ел астанасында, Еркевит аудандарында, Спорт қалашығында, Бас штаб маңайында және Егемендік кеңестің жетекшісі генерал Абдель Фаттах әл-Бурханның резиденциясында қақтығыстар болғаны туралы хабарланып  жатыр. Астанадағы қақтығыстар жергілікті уақыт бойынша сағат 09:30 шамасында басталған. Тараптар қару-жарақтың ауыр түрін қолданып, Хартумның үстіне қою түтін көтерілді.

Қақтығыстар Хартум халықаралық әуежайы аймағында да болып жатыр. Бұған қоса, Умдурман, Бахри және Марави қалаларында қақтығыстар туралы да хабарланды. Басқа елдердің елшіліктері Судандағы өз азаматтарын үйлерінен шықпауға шақырды.