«Сұлу, Әдемі, Дара»: Ақтөбеде үшем қыздар өмірге келді

Бүгін Ақтөбе облыстық перинаталдық орталығында үшем қыздар өмірге келді. Сұлу 1920, Әдемі 1630 және Дара есімді сәби 1592 грамм болып туылды.

Ана мен үшемдердің жағдайы қанағаттанарлық. 

Ақтөбе қаласының тұрғындары Жолмұхамбетовтердің үйінде қуаныш. Екі ұлдан кейін туылған үшемдердің жағдайы жақсы, әрқайсысы салмақ қосып жатыр. Анасы кесір тілігі арқылы босанды. Бөбектердің анасы мұғалім, әкесі кенші. 

«Балалар қасымда. Жағдайым жақсы»,- деді үшемдердің анасы Гүлсім Жолмұхамбетова. 

Анасы мен қыздардың денсаулығы дәрігерлердің бақылауында. 

«Бұл биыл орталықта өмірге келген алғашқы үшем. Жағдайлары тұрақты. Анасы уақытынан бұрын 31 апталығында босанды. Сәбилер салмақ қосып жатыр. Балалар әзірге бақылауда болады»,- деді Ақтөбе облыстық перинаталдық орталығы директорының орынбасары Толқын Серғазина. 

Облыстық денсаулық сақтау министрлігінің мәліметінше, елімізде төтенше жағдай жарияланған өңірлерінде 100 бала аман-есен дүниеге келді.

Оның ішінде Қостанай облысында - 8 сәби, Ақтөбе облысында – 14 сәби, Батыс Қазақстан облысында-22 нәресте, Абай облысында 4 сәби, Қарағанды облысында – 2 сәби, Атырау облысында – 18 сәби, Ақмола облысында – 32 сәби дүниеге келді.

Автор: Ардақ Ерубаева