Сұйытылған газ бен болат дайындамаларды экспорттауға салынған тыйым ұзартылды

Қазақстанда сұйытылған газ бен болат дайындамаларды экспорттауға тыйым салу ұзартылды. Бұл туралы Үкіметте өткен сыртқы сауда саясаты және халықаралық экономикалық ұйымдарға қатысу мәселелері жөніндегі ведомствоаралық комиссия отырысынан кейін белгілі болды, деп хабарлайды Orda.kz.

Сауда және интеграция министрлігінің баспасөз қызметі бұған дейін сұйытылған мұнай газының шекаралас елдерге көптеп кетуін және ішкі нарықтағы тапшылықты болдырмау үшін сыртқа шағаруға тыйым салынғанын түсіндірді.

Сондай-ақ, болат дайындамалар мен жартылай фабрикаттарды елден әкетуге тыйым салу алты айға ұзартылды. Сауда министрлігінде атап өткендей, бұрын қабылданған шектеулер металлургия өнеркәсібінде терең өңдеуге қайта бағдарлау және арматура экспортын 30 мың тоннаға ұлғайтуда оң нәтиже берді.

Бұдан басқа, Қазақстанға ЕЭО-ға кірмейтін мемлекеттерден гипсокартон мен тас өнімдерін әкелуге үш айлық тыйым салу туралы ұсыныс қолдау тапты.

Отандық гипсокартон және тас бұйымдарын өндірушілер осы өнім түрлеріне қолданыстағы бағаларды сақтау бойынша міндеттеме алды», деп түсіндірді Сауда министрлігі.

Бұған дейін Қазақстанның елден сұйытылған газ бен пропанды шығаруға тыйым салуды 2025 жылғы 14 мамырдан бастап ұзарту жоспары туралы хабарланған болатын. Энергетика министрлігі бұйрығының тиісті жобасы «Ашық НҚА» порталында жарияланды.