Суицид жасаған жігіттің туыстары полиция қызметкерін кінәлайды

Түркістан облысында өз-өзіне қол салған жігіттің туыстары оның өліміне полиция қызметкерін кінәлайды.  

Бұл туралы Orda.kz Otyrar.kz-ке сілтеме жасап хабарлайды.

Соңғы алты айда 28 жастағы Бақытжан Оңалбеков қой бағып, отбасының дүкендегі азық-түлікке алған қарызын төлеп жүрген. Қарыздың жалпы көлемі 300 мың теңе болған. Оған қой бағу арқылы қарызынан құтылуды ұсынады. Бірақ, туыстарының айтуынша, Бақытжан нағыз құлдыққа түскен.

– Оны ұрды, өзі мойындады, бір рет ұрған екінші ретте қол жұмсайды. Үш рет қашып кетті, бірақ оны тауып алып кететін. Мен соңғы рет бес күн қалды, ар алдында таза болу үшін жұмыс істеп кел дедім. Бірақ егер мен бұлай боларын білетін болсам, жібермес едім, - дейді Бақытжанның анасы Аягөз Бердалиева.

Бақытжанның екі жасар ұлы бар. Марқұмның анасы баласының өз-өзіне қол жұмсайтын күні алты қошқардың жоғалғанын айтқанын есіне алды. Бұл үшін тағы 300 мың теңге талап етіп, қорқытқан. Бақытжан бұл жаңалықтан кейін шарасыз түрде өз-өзіне қол салуға бел буған.

– Біз кеше Леңгірге бардық, бізге оның Сайрамда жол полициясы болып жұмыс істейтінін айтты. Жол полицейі болсаңыз да, басқа біреудің баласын мазақтауға құқығыңыз жоқ еді, - дейді анасы.

Туыстары журналистерге полиция қызметкерінің телефон нөмірін айтты. Алайда ол ешкімді жұмысқа алмағанын айтты.

Бақытжанның туыстары полицияға арыз жазды. Тергеуге байланысты ер адамның денесі әлі жерленген жоқ. Түркістан облысының полиция департаменті бұл істің басшының бақылауында екенін мәлімдеді.