Судьялардың IX съезі: Тоқаев ашық өткен Бишімбаев сотының пайдасын айтты

Президент Қасым-Жомарт Тоқаев биылғы Судьялардың IX съезінде онлайн режимде өтетін сот процестерінің маңыздылығын атап өтті. Соның ішінде президенттің сөзінше Бишімбаев ісі мен Қарағандыдағы жедел жәрдем жүргізушісіне шабуыл жасауға қатысты іс сияқты істерді қамтыған бұл бастама, миллиондаған азаматқа сот отырыстарын нақты уақытта бақылауға мүмкіндік берді, деп хабарлайды Orda.kz.

Съезд тәуелсіздік сарайында өтті.

«Сот жүйесінің ашықтығы біздің азаматтарымызға сенімділік тудырады. Бұл бізде бұрын болмаған жаңалық», — деді президент. 

Ол судьялар мен прокурорлардың әрекеттеріне қойылатын талаптардың артуын, олардың жұмысы қоғамдық бақылауда екенін атап өтті.

Тоқаев сондай-ақ, онлайн трансляциялар жастардың құқықтық мамандыққа қызығушылығын арттыратынын айтты. 

Президенттің айтуынша, мұндай жаңашылдықтар азаматтардың құқықтық сауаттылығын арттырып, заң үстемдігін күшейтеді. Ол судьяларды іріктеуге және біліктілігіне ерекше назар аударуды сұрады, жоғары білікті және адал кадрлардың сапалы сот төрелігін қамтамасыз етудегі  маңыздылығын айтты.