Су тасқынынан зардап шеккендерге қаржы қалай бөлінбек?

Қаржы министрі су тасқынынан зардап шеккендерге бюджеттен қанша қаржы бөлінетіні жайлы сөз етті, деп хабарлайды Orda.kz порталы.

Оның сөзінше бөлінген қаражат шығын есептелгеннен кейін бір-ақ бөлінеді.

«Су тасқынынан зардап шеккендерге қаржыны бөлу мәселесі жергілікті бюджеттен пысықталады. Қазақстан бойынша жергілікті бюджетте төтенше жағдайға арналған 26 млрд теңге бар. Бұл ақша әкімдіктерде», - деді ол.

Сондай-ақ министр бұл қаржы жетпеген жағдайда ұкімет резервінен қосымша тағы да ақша бөлінетінін тілге тиек етті.