Су тасқынынан зардап шеккендерге біржолғы төлемдер түсе бастады

Ақтөбе облысында 346 өтініштің 94-і оң шешімін тауып, 28 миллион теңге болатын  біржолғы әлеуметтік төлемдер төленді.

«2024 жылдың 7 сәуіріндегі жағдай бойынша комиссия мүшелері Ақтөбе қаласы, Әйтеке би, Қобда, Мұғалжар және Темір аудандарындағы 1482 үйді аралап, келтірілген шығындарды анықтады. Ойыл ауданында судың көп болуына байланысты мүлікті бағалау жұмыстары әлі жүргізілмеген. Келтірілген залал үшін төлем тәуелсіз бағалау нәтижелері бойынша жүзеге асырылады» делінген хабарламада.

Үкімет қазірдің өзінде тіркелмеген мүлікті бағалаудың жеке тетігі әзірленіп жатқанын атап өтті.