Су тасқынынан зардап шеккендер жатақханаға көшті

Ақтөбеде су тасқынынан зардап шеккендер мектептен жатақханаға көшірілді, деп хабарлайды Orda.kz порталы.

1000-ға жуық адам, оның ішінде көп балалы аналар, жалғызбасты аналар, зейнеткерлер мен балалар эвакуациялау пункттері құрылған мектептерден жатақханаға көшірілді.

Барлық университеттер мен колледждердің жатақхананаларын қосқанда жетеуі тұрғындарға берілді.

Сондай-ақ олимпиадалық резерв дайындау орталығы және қайырымдылық мекемесінің екі қонақ үйіне де адамдар орналастырылды.

Медицина университетінің жатақханасында бүгінде 243 адам тұрады, оның тең жартысына жуығы балалар. 4 блок коменданты Жадыра Мәдиева жатақханада барлық жағдай жасалғанын айтты.

«Әр бөлмеде душ пен раковина бар. Біз студенттерді 3 блокқа, 1 блокқа, 2 блокқа көшірдік», - деді комендант.