Су тасқынынан зардап шеккен қостанайлықтарға көмек көрсетіледі

Облыс әкімі Құмар Ақсақалов алғашқы қолдау ретінде 100 мың теңге төлеуді тапсырды.

Қостанай облысында су тасқынынан зардап шеккен әрбір отбасы мүшесіне материалдық көмек көрсетіледі.

«Барлық зардап шеккендерге жедел түрде әлеуметтік көмек көрсетілу керек. Бүгін адамдар күтпеуі үшін үйлерді аралаңыздар» деді өңір басшысы Құмар Ақсақалов.

Амангелді, Жангелді аудандары мен Арқалық қаласында залалды өтеу комиссиялары құрылды. Шығынды өтеу бағалау жүргізілгеннен кейін жүзеге асырылады. Барлық үш аудан бойынша бағалаушы «Стелла» ЖШС келісімді жүргізеді.

Қазіргі таңда Қызыл Жұлдыз ауылының тұрғындарынан 185 өтініш жиналды. Оларға отбасының әрбір мүшесіне 100 мың теңгеден демеушілік және қайырымдылық арқылы жедел көмек көрсету туралы шешім қабылданды.