Су тасқынынан 95 адам көз жұмды

Испанияның Валенсия аймағында нөсер жаңбыр жауып, салдарынан 92 адам көз жұмды, деп хабарлайды Orda.kz.

Қайғылы оқиғаға байланысты елде 3 күндік аза тұту жарияланды. Аймақтық үкімет басшысы Карлос Мазон зардап шеккен аудандарда құтқару жұмыстары жалғасып жатқанын және қаза тапқандардың нақты саны әлі белгісіз екенін айтты.

Құтқару жұмыстарына мыңнан астам әскери қызметкер тартылып, төтенше жағдайлар қызметіне қолдау көрсетуде.

Апаттан ең көп зардап шеккен Валенсия автономдық қауымдастығында темір жол желісі тоқтатылып, көптеген көлік жолы жабылған.