Су тасқынына бөлінген қаражат қайда жұмсалды?

Төтенше жағдайлар вице-министрі су тасқынына бөлінген 7 млрд қайда кеткенін айтып берді, хабарлайды Orda.kz порталы.

Үкімет отырысынан кейін брифингте журналистер Бауыржан Сыздықовтан қаржының қайда кеткені жайлы сұрады.

«Нақтылағым келеді: шын мәнінде 7 миллиард теңгеден аса қаражат бөлінбеді, қарастырылды, мұны дұрыс түсіну керек. Бұл қаржы ресурстары жергілікті атқарушы органдар бюджетінде қарастырылған. Бүгінде әкімдіктер мәліметінше, бұл ақшадан 3 миллиард теңгеден аса қаржы бөлінген. Бұл қаржы ресурстары, өздеріңіз көріп отырғандай, су тасқынының алдын алуға және онымен күресуге бағытталған», - деді Сыздықов сұраққа жауап беріп.