«Су тасқыны – жемқорлықтың салдары»: Қостанай тұрғыны осындай плакатпен жалғыз адамдық пикетке шықты.

Сәуірдің 12-сі күні қостанайлық Әнел Әлиғазина «Март» сауда орталығының жанында «Су тасқыны – жемқорлықтың салдары» деп жазылған плакатпен жалғыз адамдық  пикет өткізді, деп хабарлайды Orda.kz.

«Наша газета» порталы акция басталғаннан кейін көп ұзамай оған полиция қызметкерлері мен Қостанай әкімдігі келіп, билікпен келісілмегендіктен акцияны тоқтатуды талап еткенін хабарлайды.

«Жыл сайын біз осындай апаттарға тап боламыз және олар әрқашан табиғи апаттар деп аталады, олар - орман өрттері немесе су тасқыны. Көптеген адамдар мен жануарлар зардап шегеді. Осының бәріне біздің авторитарлық жүйе жауапты екенін халықтың есіне салғым келеді. Мәселе мемлекеттік органдардағы жемқорлыққа байланысты. Авторитаризм капитализммен қосылып, қорқынышты зардаптарға әкеледі», - деді Әлиғазина.

Ішкі саясат басқармасының басшысы Олжас Дүйсеков бірнеше полиция қызметкерімен бірге пикет орнына келді. Ол Әнел Әлиғазинаның сөзін бөліп, пикет туралы әкімдікке хабарлау керектігін еске салды.

«Бізде мұндай іс-шараларды өткізу үшін арнайы орындар белгіленген, сондай-ақ «Бейбіт жиындар туралы» заңда бұл жер арнайы пикетке арналмаған, сондықтан плакатты жинап, пикетті тоқтатуды сұраймын», - деді Дүйсеков. 

Әнел Әлиғазина плакатты жинап, оның әрекетін шенеуніктер қалай тез біліп, пикет алаңына келіп үлгергенін анықтауға тырысты. Дүйсеков қалада кезекшілік жүргілетінін, ал өзі гуманитарлық көмек таратып қайтып келе жатқанын түсіндірді.