Су тасқыны салдарынан жеті адам қаза тапты - ІІМ

Ішкі істер министрлігі су тасқыны кезінде жеті адамның қаза тапқаны туралы ақпаратпен бөлісті.

Сенат отырысында Ішкі істер министрінің бірінші орынбасары Марат Қожаев бірнеше өңірде адам қазасы болғанын айтты.

«Атырау облысында төрт адам, Түркістан облысында кішкентай бала суға батып кетті. Бұл оқиғаларға қатысты қылмыстық істер тіркеліп, алдын ала тергеу жүріп жатыр» деді Марат Қожаев.

Сонымен қатар, ол Абай облысы Аягөз ауданында тракторда қаза тапқан екі адамды су тасқынынан зардап шеккендер қатарына қосқан.

«Осы ақпарат бойынша қылмыстық іс қозғалып, тергеу әрекеттерінің қорытындысы бойынша шешім шығарылды. Оларды да (су тасқынынан зардап шеккендерді) қосу керек»,-  деп нақтылады ол.

Қазақстанда болған су тасқыны соңғы 80 жылдағы ең ірі су тасқыны деп аталды.