Су тасқыны болған өңірлердегі түлектерге 12 мың грант бөлінеді

Су тасқыны болған өңірлердегі түлектерге 12 мың грант бөлінеді, деп хабарлайды Orda.kz порталы.

Бұл туралы ғылым және жоғары білім министрі Саясат Нұрбек айтты. 

Су тасқыны болған 6 өңірдегі түлектерге үш бағытта жағдай жасалған. 

«Біріншісі – сол өңірдегі түлектерге уақыт беру үшін олардың тестілеу мерзімі 1 маусымнан 12 шілдеге дейін шегерілді. Осылайша, 47 күн берілді.
Екіншісі – мемлекеттік тапсырыстың 20%-ы, яғни зардап шеккен өңірлерге 12 мың грант бөлінеді. 
Үшіншісі – 6 өңірдің түлектері негізгі ҰБТ-дан төмен балл жинаса, қаңтар және наурызда алған ҰБТ ұпайын қолдануға мүмкіндік беріледі», — деді ол.